ڪوئيٽا – 06 آڪٽوبر (اي پي پي) وزيراعظم عمران خان چيو آهي ته ڪرپشن جي خاتمي کانسواءِ معاشرو ترقي نه ٿو ڪري سگهي، ڪرپشن جي ڪري اڄ پاڪستان 28 هزار ارب رپين جو قرضي آهي، بلوچستان جي ترقي جي لاءِ ڪم ڪنداسين، ماضي ۾ بلوچستان جي ترقي تي ڌيان نه ڏنو ويو. هو ڪوئيٽا ۾ اڳواڻن، رٽائرڊ ججن، وڪيلن ۽ سول سوسائٽي جي نمائندن کي خطاب ڪري رهيو هو. وزيراعظم چيو ته ماضي ۾ بلوچستان جي ترقي تي ڌيان نه ڏنو ويو. هن چيو ته بلوچ سياستدانن به صوبي جي ترقي تي ڌيان نه ڏنو.
