باکو ۔20نومبر (اے پی پی) وزیر اعظم دی کوآرڈینیٹر برائے موسمیاتی تبدیلی اتے ماحولیاتی رابطہ رومینہ خورشید عالم آکھیا جو پاکستان کاپ ۔29 اچ گلوبل شیلڈ توں فیدہ چاوݨ آلا پہلا ایشیائی ملک ٻݨ ڳئے۔ اے ڳالھیں انہاں آذربائیجان دے دارالحکومت باکو اچ جاری اقوام متحدہ دے کاپ۔ 29 اجلاس دے موقع تے بدھ کوں پاکستان دی ریکوسٹ فار کلائمیٹ اینڈ ڈیزاسٹر رسک فنانس اینڈ انشورنس سپورٹ کوں گلوبل شیلڈ دے حوالے کرݨ دی تقریب دے موقع تے کیتا۔ وزیر اعظم دی کوآرڈینیٹر برائے موسمیاتی تبدیلی اتے ماحولیاتی رابطہ عالمی برادری توں مطالبہ اے جو او ماحولیاتی خطریاں دے خلاف مالیاتی ریزیلنس کیتے پاکستانی کوششاں دی حمایت کرے۔ انہاں آکھیا جو وزارت موسمیاتی تبدیلی گلوبل شیلڈ نال طے تھیے مالیات کوں ودھاوݨ کیتے تعاون دی درخواست کوں چھیکڑی شکل ݙتی اے۔
