اسلام آباد۔24نومبر(اے پی پی)وفاقی کابینہ پاکستان اتے کویت وچال سرمایہ کاری دیاں 7 مفاہمتی یادداشتاں دی منظوری ݙتی اے جیندے تے نگران وزیر اعظم دے دورہ کویت اچ دستخط کیتے ویسن، کویت پاکستان اچ مختلف شعبیاں دے 7 منصوبیاں تے 10 ارب ڈالر دی سرمایہ کاری کریسی۔ نگران وزیرِ اعظم انوار الحق کاکڑ دی اڳواݨی اچ نگران وفاقی کابینہ دا اجلاس اسلام آباد اچ تھئے۔ اجلاس اچ پاکستان اتے کویت وچال سرمایہ کاری دیاں 7 مفاہمتی یادداشتاں دی منظوری ݙتی ڳئی جیندے تے نگران وزیر اعظم دے دورہ کویت اچ دستخط کیتے ویسن اتے کویت پاکستان اچ مختلف شعبیاں دے 7 منصوبیاں تے 10 ارب ڈالر دی سرمایہ کاری کریسی۔ انہاں منصوبیاں اچ آبی ذخائر دی توسیع، کان کنی دی سہولیات، ساحلی علاقیاں کیتے تمر دے جنگلات دی حفاظت و توسیع، آئی ٹی دے شعبے اتے تحفظ خوراک دے منصوبیاں اچ سرمایہ کاری دے منصوبے شامل ہین۔ نگران وزیرِ اعظم ہدایت کیتی جو وفاقی سطح تے دستخط تھیوݨ آلیاں انہاں مفاہمتی یادداشتاں اچ صوبیاں نال تعاون کیتا ویسی۔ کابینہ 14 نومبر کوں کابینہ کمیٹی قانون سازی امور (سی سی ایل سی) دے اجلاس اتے 15 نومبر کوں تھیوݨ آلے اقتصادی رابطہ کمیٹی (ای سی سی) اجلاس دے دے فیصلیاں دی وی توثیق کیتی۔
.jpg)
.jpg)
