اسلام آباد۔30ستمبر (اے پی پی) وزارت خزانہ آکھیا جو جیوپولیٹکل تنازعات، ملکی اتے عالمی غیریقینی حالات عالمی اتےملکی معاشی منظرنامے تے اثر انداز تھیندے پئن۔ مارچ 2022 اچ بین الاقوامی تیل اتے خوراک دے نرخ اچ تاریخی ودھارا تھیا جئیں دے اثرات پاکستان دی معیشت تے وی پئن اتے ملک اچ مہانگ ودھی اے۔ اے ڳالھ وزارت خزانہ ولوں جاری ماہانہ اقتصادی اپ ڈیت اچ آکھی ڳئی۔ وزارت خزانہ دے مطابق عالمی منڈیاں اچ نرخاں اچ ڳھٹکی دے باوجود ایڈجسٹمنٹس دے اقدامات اچ دیر دی وجہ نال نرخاں اچ ودھارے دے اثرات رہ سڳدن۔ رپورٹ اچ ݙسیا ڳیا جو غیرمعمولی بارشاں اتے شدید چھل پاروں ملک دے مجموعی اقتصادی منظر نامے تے منفی اثرات پئن۔ چھل کئی ٹٻراں کوں انہاں دے سرمایہ اتے زریعہ معاش توں محروم کر ݙتے۔ رپورٹ اچ ݙسیا ڳیا جو انہاں عوامل کوں ݙیکھدیں ہوئیں جاری مالی سال اچ ملک دا اقتصادی پیش منظر غیر یقینی اے اتے کئی شعبیاں اچ اہداف کوں پورا کرݨ اوکھا ہوسی۔ ماہانہ اقتصادی اپ ڈیٹ دے مطابق جولائی اتےاگست دے مہیناں اچ ترسیلات دا حجم 5.2 ارب ڈالر ریکارڈ کیتا ڳئے جیڑھا جو گزریل مالی سال دی ایں مدت دے مقابلے 3.2 فیصد ڳھٹ اے۔
.jpg)
.jpg)
