اسلام آباد ۔ 24 جنوری (اے پی پی)وزیراعظم عمران خان دے زیر صدارت اسلام آباد اچ تھیونڑ آلے اجلاس اچ ویزہ رجیم اچ وڈے پیمانے تے تبدیلیاں کرنڑدا فیصلہ کتیا گئے۔ اجلاس دے حوالے نال وفاقی وزیر اطلاعات آکھیے جو وزیراعظم عمران خان اہم اجلاس اچ ویزہ رجیم دا جائزہ گھدے اتے فیصلہ کیتا گئے جو پاکستان کون پہلی واری دنیا کیتے اوپن کیتا ویندا پئے، ویزہ رجیم اچ وڈیاں تبدیلیاں کیتان ویسن، ایں توں پہلے کڈاھیں پاکستان ویزہ رجیم اچ اینجھیاں تبدیلیاں نئیں کیتاں،نویں ویزہ رجیم اچ تبدیلی دا فائدہ صحافیاں ،کاروباری طبقات سودھے ہر طبقے کوں تھیسی اتے پاکستان اچ سیاحت کوں ترقوی ملسی۔ڈسایا گئے جو ،وزیراعظم عمران خان ایرا کوں این ڈی ایم اے اچ ضم نہ کرنڑ تے عدم اطمینان کریندے ہدایت کیتی اے جو ایرا کوں فوری طورتے این ڈی ایم اے اچ ضم کیتا ونجے۔
