اسلام آباد۔12جولائی(اے پی پی)وفاقی وزیر خزانہ و محصولات سینیٹر محمد اورنگزیب آکھیے جو شعبہ جاتی و سرکاری ملکیتی اداراں اچ اصلاحات جاری ہین، نجکاری پروگرام اڳو تے ودھدا پئے، حکومت براہ راست بیرونی سرمایہ کاری ودھاوݨ تے کم کریندی پئی اے۔ او اسلام آباد اچ سپین دی سفیر مسز جوز اے ڈی اوری نال ملݨ ویلھے الیندے پئے ہن۔ انہاں ݙوطرفہ تعلقات، باہمی تعاون اتے ہکو ڄھیں دلچسپی دے شعبیاں اچ ڳانݙھا ودھاوݨ تے ڳالھ مہاڑ کیتی۔ وزیر خزانہ سفیر کوں پاکستان دی اقتصادی صورتحال، معاشی اقدامات، سٹاک ایکسچینج اچ بہتری اتے مہانڳ تے قابو پاوݨ دے اقدامات دا ݙسایا اتے آئی ایم ایف پروگرام تے ڳالھ مہاڑ کیتی۔ ہسپانوی سفیر پاکستان اچ کلی معیشت دے استحکام اتے پائیدار اقتصادی ترقی کیتے اصلاحات دے عمل تے حکومتی کوششاں دی تعریف کیتے اتے ݙوہاں ملکاں وچال ویلیو ایڈڈ شعباں اچ تعاون دے امکانات اتے برآمدات اچ ویلیو ایڈیشن ودھاوݨ تے الایا۔
