پشاور۔6مارچ (اے پی پی) وزیرِ اعظم محمد شہباز شریف آکھیا جو ایں مصیبت اچ وفاقی حکومت مینہ اتے برف باری دے متاثریں نال ہر تعاون کریسی۔ سارے ادارے رَل تے ریسکیو تے بحالی دا کم کرن۔ این ڈی ایم اے صوبائی انتظامیہ نال رَل تے متاثرین دے ریسکیو تے بحالی کیتے کم کرن۔ اے ڳالھیں انہاں اڄوکی طوفانی بارشاں اتے برف باری نال خیبر پختونخوا اچ نقصانات اتے جاری ریسکیو تے بحالی دے ا??دامات بارے اجلاس دی صدارت کریندیں ہوئیں آکھی۔ او بدھ کوں ہک ݙینھ دے دورے تے پشاور پڄیے جتھ وزیرِ اعظم گورنر خیبر پختونخوا حاجی غلام علی نال گورنر ہاؤس پشاور اچ ملاقات کیتی۔ سینیٹر اسحاق ڈار، خواجہ آصف، عطاء تارڑ، امیر مقام، مرتضی جاوید عباسی اتے چیئرمین این ڈی ایم اے لیفٹیننٹ جنرل انعام حیدر ملک وی شریک تھیے۔ ملاقات اچ وزیراعظم کوں اڄوکے مینہ تے برفباری اچ ضیان اتے جاری امداد تے بحالی بارے ݙسیا ڳئیا۔ اجلاس کوں ݙسیا ڳئیا جو خیبر پختونخوا اچ اڄوکے مینہ اچ 40 بندے جاں بحق اتے 62 زخمی تھین جئیں اچ 27 ٻال وی شامل ہن۔ 635 گھر مکمل اتے جزوی تباہ تھی ڳئن۔ وزیراعظم دی خصوصی ہدایت تے جاں بحق تھیوݨ آلیاں دے ورثاء کوں 20 لکھ، زخمی تھیوݨ آلیاں کوں فی کس 5 لکھ، پورے تباہ گھر دے رہݨ آلیاں کوں ست ??کھ جڈانجو جزوی متاثرہ گھراں کوں 3.5 ??کھ روپے ݙتے ویندے پئن۔
