اسلام آباد۔13نومبر(اے پی پی)وفاقی وزیر ماحولیاتی تبدیلی شیری رحمان آکھیے جو پاکستان اچ اڄوکے سیلاب نال آوݨ آلی تباہی پہلے کݙاھیں نئیں ݙٹھی، عالمی تپش ودھݨ پاروں مستقبل اچ ٻئے وی قدرتی آفتاں آسن، سیلابی پاݨی نال متاثرہ آبادی وبائی امراض دا شکار تھیندیپئی اے، موسمیاتی تبدیلی نال متاثرہ لوکاں دی بحالی ساݙی کٹھی ذمہ داری اے، ڄڳ کوں موسمیاتی تبدیلی دے خطرات نال نمٹݨا ہوسی۔ اے ڳالھ انہاں مصر اچ انٹر پارلیمانی یونین دے اجلاس اچ الیندے آکھی۔ انہاں آکھیا جو ڄڳ کوں ودھ موسمیاتی خطرات لاحق ہین جیندے نال رل تے نمٹݨا ہوسی، پاکستان اچ سیلاب نال ریلوے، روڈ، بجلی سودھا بنیادی ڈھانچہ کوں 33 ارب ڈالر توں ودھ دا نقصان پڄیے، ایں سیلاب نال سڑکاں، گرڈ سٹیشن، ریلوے لائنز، سکول اتے صحت دا بنیادی ڈھانچہ تباہ تھئے، سیلاب دی پیشگی اطلاع آلے مراکز وی سیلاب وات آ ڳین، 33 ملین توں ودھ متاثرین سیلاب کوں سیلاے توں بچاوݨا ہوسی جو ٹھݙ ودھدی پئی اے، حالی وی وݙی تعداد اچ لوک بے آسرا ہین، ایں سانڳے بحالی اتے تعمیر نو سانڳے 30 ارب ڈالر دی لوڑھ اے۔
.jpg)
.jpg)
