کراچی ۔10دسمبر (اے پی پی) وزیراعظم عمران خان آکھیا جو ??راچی ملک دی ترقی دا محور اے، وفاقی حکومت کراچی دی عوام دے مسئلے دے حل کیتے پرعزم اے، بنڈل آئی لینڈ نال سندھ کوں فائدہ تھیسی،کراچی ٹرانسفارمیشن پلان دے تحت وعدیاں تے عمل تھیندا پئے، عوامی فائدے دے منصوبیاں اچ ہک ݙوجھے نال تعاون اتے رل تے چلݨ نال ساریاں کوں فائدہ تھیسی۔ اڄوکی حکومت عوام کوں سہولت ݙیوݨ کیتے او کم کیتن جیڑھے جو ترقی یافتہ ملکاں اچ وی نی کیتے ویندے ۔ اے ڳالھیں انہاں جمعے کوں کراچی سے شہریاں کیتے جدید ترین سفری سہولیات دی 35.5 ارب روپے دی لاگت دےگرین لائن بس ریپڈ ٹرانزٹ سسٹم منصوبے دا افتتاح کریندیں ہوئیں آکھی۔ ایں موقع ??ے گورنر سندھ عمران اسماعیل،وفاقی وزیر برائے منصوبہ بندی، ترقی تے اصلاحات اسد عمر اتےوفاقی وزیر اطلاعات و نشریات چوہدری فواد حسین، وفاقی وزیر آئی ٹی امین الحق ، سندھ اسمبلی اچ قائد حزب اختلاف حلیم عادل شیخ ، اراکان پارلیمنٹ اتے اعلیٰ حکام وی موجود ہن۔ وزیراعظم عمران خان، منصوبے دی تکمیل ??ے گورنر سندھ عمران اسماعیل اتے وفاقی وزیر برائے منصوبہ بندی، ترقی تے اصلاحات اسد عمر کوں مبارخ ݙیندیں ہوئیں آکھیا جو ہر شہر کیتے جدید ٹرانسپورٹ ضروری ہوندی اے، کراچی پاکستان دی ترقی دا محور اے، کراچی خوشحال تھیندے تاں پورا پاکستان خوشحال تھیندے، ساریاں توں ودھ ر??ونیو کراچی توں ملدے، انہاں آکھیا جو ماضی اچ کراچی دے ٹرانسپورٹ دے نظام تے توجہ نی ݙتی ڳئی، ہݨ گرین لائن بس سروس دے افتتاح نال جدید ٹرانسپورٹ دا نظام شروع کیتا ویندا پئے۔ انہاں آکھیا جو ??راچی روشنیاں دا شہر ہئی اینکوں کھنڈر ٻݨدے ݙٹھ?? کیونجو ماضی اچ ایںدے منیجمنٹ سسٹم تے توجہ نی ݙتی ڳئی۔ وزیراعظم آکھیا جو ??راچی ملک دی ترقی دا محور اے، وفاقی حکومت کراچی دی عوام دے مسئلے دے حل کیتے پرعزم اے۔ انہاں آکھیا جو لوکاں کوں ہیلتھ کارڈ نال ہیلتھ انشورنس ݙتی ڳئی ا?? کیونجو ہک بیماری پاروں پورا گھر مقروض تھی ویندے اتے غربت توں تلوں آ ویندے۔ انہاں آکھیا جو صوبہ بلوچستان، گلگت بلتستان اتے آزاد کشمیر آپݨے شہریاں کوں ہیلتھ کارڈ دی سہولت ݙیوݨ کیتے تیار ہیسے، سندھ حکومت کوں وی آپݨے صوبے دی عوام دے فائد?? کیتے انہاں کوں ہیلتھ کارڈ ݙیوݨے چاہیدن۔ تقریب توں گورنر سندھ عمران اسماعیل اتے وفاقی وزیر برائے منصوبہ بندی، ترقی تے اصلاحات اسد عمر وی خطاب کیتا۔ ایں توں پہلے وزیراعظم عمران خان تختی دی نقاب کشائی کر ??ے گرین لائن بس ریپڈ ٹرانزٹ سسٹم منصوبے دا افتتاح کیتا۔
.jpg)
