لاہور ۔ 31 مارچ (اے پی پی)وزیراعلیٰ پنجاب سردار عثمان خان بزدار آکھیے جو پنجاب اچ پنجوی لکھ مستحق ٹبراں کیتے ڈاہ ارب روپے مختص کر ڈتے گین جیندے تحت ہر ٹبر کوں چار ہزار روپے ڈتے ویسن۔لاہور اچ پریس کانفرنس کریندے انہاںا ٓکھیے جو مستحقین دا ودھ تے ہتھ ونڈایا ویندا پئے،مسیتاں اتے بازاراں اچ جراثم کش سپرے دی ہدایت کیتی اے،چنگاں ہوسی جو لوک گھراں اچ راہون اتے کرونا توں بچن،کرونا تے قابو پاونڑ دی پوری کوشش کیتی ویندی پئی اے۔انہاںا ٓکھیے جوکرونا دی تشخیصی کٹ دے معاملے اچ خود کفیل تھیونڑ دی کوشش اے،کرونا سانگے دفعہ ہک سو چرتالی دی پابندی دی خلاف ورزی تے پکڑیے گئے شہری چھوڑن دی ہدایت کرڈتی اے جڈاں جو تبلیغی جماعت نال مس ہنڈلنگ دے معاملے دا جائزہ گھدا ویندا پئے۔ انہاںا ٓکھیے جو محکمہ سحت کوں ٹیسٹنگ دی صلاحیت ودھاونڑ دی ہدایت کیتی اے،ہیلتھ پروفیشلنزکوں حفاظتی سامان ڈیسوں،اٹھ ڈویژنل لیبارٹیاں دے قیام کیتے بائٹھ کروڑ روپے جاری کرڈتن،کرونا نال نبڑن آلے ڈاکٹراں کوں ہک مہینے دی وادھو تنخواہ ڈیسوں،موت دی صورت اچ شہدا فنڈ وی ڈتا ویسی۔وزیاعلیٰ پنجاب آکھیے جو عوام دے رعاون نال کرونا تے قابو پاتا ویسی اتے اجوکے دور اچ سحت دے شعبے تے ودفھ توں ودھ توجہ ڈتی ویندی پئی اے تاں جو لوکاں کوں مقامی سطح تے طبی سہولتاں مل سگن۔
