اسلام آباد۔29اکتوبر (اے پی پی):نگراں وفاقی وزیرآئی ٹی تے ٹیلی کمیونیکیشن ڈاکٹر عمر سیف آکھیے جو پاکستان دی خلائی ٹیکنالوجی موسمیاتی تبدیلی، وسائل دی نگرانی، ڈیزاسٹر مینجمنٹ اتے صحت تے تعلیم دے شعبیں اچ ٻہوں سارے چیلنجز دا مقابلہ کرݨ اچ اہم کردار ادا کریسی ۔ اتوار کوں ھک نجی نیوز چینل نال ڳالھ مہاڑ کریندے ہوئیں انہاں آکھیے پاکستان دا خلائی شعبہ قومی معیشت کوں سہارا ݙیوݨ ، سرمایہ کاری کیتے ملک دی کشش ودھاوݨ تے ایں شعبے اچ عالمی مہارتاں تے اختراعات کوں اجاگر کرݨ کیتے آپݨا نمایاں مقام بݨیسی ۔وفاقی وزیر پاکستان دی صلاحیتاں تے وی اعتماد دا اظہار کیتے تے خلائی تحقیق اچ نویاں اڳوں ودھݨ سانڳے قوم دے عزم دا اعادہ کیتے۔ انہاں واضح کیتے جو سیٹلائٹ دے ذریعے وختی تے قابل بھروسہ معلومات ݙیوݨ نال بہتر فیصلہ سازی اچ وی مدد ملسی ۔ انہاں کئی ترقیاتی منصوبیں تے وی روشنی پاتی جیں اچ خلائی ٹیکنالوجی منصوبیں دی لاڳت کوں بچاوݨ اچ اہم کردار ادا کیتے ۔ ھک سوال دا جواب ݙیندے ہوئیں انہاں آکھیے سائنس تے ٹیکنالوجی دی ترقی اتے عالمی سطح تے ڈیجیٹل تبدیلی قوماں کیتے موقع تے چیلنجز ݙوہیں پیش کیتن۔ انہاں آکھیے جو ڈیجیٹل تبدیلی ھک چنڳاں رجحان اے جیڑھا جو معاشی بحالی اچ کردار ادا کریند ہوئیں ڈیجیٹل اسپیس اچ نویں معمول کوں برقرار رکھݨ اچ مدد ݙیسی ۔
.jpg)
.jpg)
