اسلام آباد۔24اپریل (اے پی پی):وزیراعظم محمد شہباز شریف سوڈان توں پاکستانیاں دے انخلا اچ مدد کرݨ تے سعودی عرب، ترکیہ اتے مصر دی قیادت دا شکریہ ادا کیتے۔ وزیراعظم آفس دے میڈیا ونگ توں سنوار کوں جاری بیان موجب وزیراعظم نے وزیر خارجہ بلاول بھٹو زرداری، وزیر مملکت حناربانی کھر، وزارت خارجہ دے حکام اتے سوڈان اچ پاکستانی سفیر کوں شاباش ݙتی اے ۔ وزیراعظم عسکری حکام اتے سبھے متعلقہ ذمہ داران دی فرض شناسی، شاندار مہارت توں انخلا دی جامع حکمت عملی دی تیاری اتے کامیابی نال ایں تے عملدرآمد دی تعریف کریندے ہوئیں فضائیہ دے سربراہ ائیر چیف مارشل ظہیر احمد بابر سدھو اتے ڈی جی آئی ایس آئی لیفٹیننٹ جنرل ندیم انجم کوں خصوصی کاوشاں تے خراج تحسین پیش کیتے ۔ 72 گھنٹے توں جاری خصوصی ہنگامی پلان دی نگرانی براہ راست وزیراعظم شہباز شریف خود کریندے پئے ہن، 427 پاکستانی بحفاظت پورٹ سوڈان پڄ ڳن جتھوں او پاکستان پڄسن ، انہاں 427 پاکستانیاں دی رہائش ، خوراک دا انتظام وی حکومت پاکستان کیتے ۔ جنگ زدہ سوڈان توں خصوصی طیاریں دے ذریعے پاکستانیاں دی واپسی شروع تھی ڳئی اے ۔
.jpg)
.jpg)
