راولپنڈی۔14جنوری (اے پی پی) سکیورٹی فورسز صوبہ خیبر پختونخوا اچ ݙو انڄ انڄ کاروائیاں اچ اٹھ خوارج کوں ہلاک کر ݙتا۔ منگل کوں آئی ایس پی آر توں جاری تھیے بیان موجب سکیورٹی فورسز ضلع ٹانک اچ خوارج دی موجودگی دی اطلاع تے انٹیلی جنس آپریشن کیتا۔ آپریشن اچ فوجی جواناں خوارج دے ٹکاݨے کوں گھیر ڳھدا اتے چھی خوارج جہنم واصل کر ݙتے۔ وادی تیراہ، ضلع خیبراچ فوجی جواناں کامیابی نال ݙو خوارج کوں ہلاک کر ݙتے۔ علاقے اچ کہیں ٻئے خوارجی دی موجودگی کوں ختم کرݨ کیتے کلیئرنس کاروائی جاری ہن۔ پاکستان دی سکیورٹی فورسز ملک توں دہشت گردی دی لعنت کوں ختم کرݨ کیتے پرعزم اے۔
