حکومت دا کاشتکاراں و کساناں دے مسئلیں کوں ترجیحی بنیاداں تے حل کرݨ دا فیصلہ ، کسان اپݨے مسئلے براہ راست سٹیزن پورٹل تے درج کروا سڳسن ، وزیراعظم ڈیلیوری یونٹ

2025-03-08 17:37:22

اسلام آباد۔30ستمبر (اے پی پی): حکومت کاشتکاراں و کساناں دے مسئلیں کوں ترجیحی بنیاداں تے حل کرݨ دا فیصلہ کیتے جیندے تحت پاکستان سٹیزن پورٹل تے کساناں کیتے خصوصی کیٹیگری الاٹ کر ݙتی ڳئی اے ۔ وزیر اعظم آفس دی طرفوں خمیس کوں ایں حوالے نال جاری کیتی ڳئی ہدایات اچ کساناں دے مسئلیں دے حل کیتے صوبائی حکومتاں کوں خصوصی احکامات جاری کیتے ڳئن جنہاں دے تحت پورے ملک اچ متعلقہ افسران کوں کساناں دی شکایتاں دے وختی حل کیتے اقدامات دی ہدایت کیتی ڳئی اے ۔ وزیراعظم عمران خان دی طرفوں جاری ہدایت اچ آکھیا ڳئے جو سرکاری افسران کساناں دے مسئلیں کوں ترجیحی بنیاداں تے حل کیتا ونڄے ، ایں حوالے نال وزیر اعظم ڈیلیوری یونٹ (پی ایم ڈی یو) سارے صوبائی حکومتاں کوں مراسلہ جاری کیتے۔ جیں دے تحت ہݨ کسان اپݨے مسئلے براہ راست سٹیزن پورٹل تے درج کروا سڳسن ۔ وزیراعظم آفس آکھیے جو آپݨے مسئلیں دے حل کیتے ہݨ کاشتکاراں و کساناں کوں سرکاری دفتر دے چکر نہ لاوݨے پوسن ۔ وزیراعظم آفس ہدایت کیتی اے جو سارے چیف سیکرٹریزکساناں دے مسئلے دے حل تے افسران دی ترائے مہینے دی کارکردگی رپورٹ مرتب کرن۔

مضمون کا ماخذ : اضافی مرچ

متعلقہ مضامین