اسلام آباد – 26 فيبروري (اي پي پي) صدر ڊاڪٽر عارف علوي چيو آهي ته پاڪستان پنهنجي شهرين کي ڪورونا ويڪسين لڳائڻ جي لاءِ ميرٽ جو طريقيڪار اختيار ڪيو آهي، اسان کي ان تي فخر ڪرڻ گهرجي. صدر جمعي ڏينهن پنهنجي ٽوئيٽ ۾ نيويارڪ ٽائمز جي هڪ رپورٽ جو حوالو ڏنو جنهن ۾ ڪجهه ملڪن ۾ قطار ٽوڙي وي آءِ پي، اشرافيه ۽ طاقتور ماڻهن کي جلدي ڪورونا جي ويڪسين لڳائڻ جي واقعن جو جائزو پيش ڪيو ويو. صدر ان صورتحال کي شرمناڪ قرار ڏيندي چيو ته سڄي دنيا ۾ ان جي مذمت ڪئي پئي وڃي، هن چيو ته ان جي ابتڙ پاڪستان ان طرز عمل کان محفوظ رهيو جتي ماڻهن کي ميرٽ تي ويڪسين لڳائي پئي وڃي. صدر چيو ته اهو ميرٽ وارو نئون پاڪستان آهي ۽ اسان کي ان تي فخر ڪرڻ گهرجي
