اسلام آباد۔22جون (اے پی پی):وفاقی وزیر منصوبہ بندی و ترقی احسن اقبال آکھیے دین دے ناں تے معاشرے اچ لا قانونیت دے واقعات دا جائزہ گھن تے قومی لائحہ عمل بݨاوݨ سانڳے ایوان دی خصوصی کمیٹی بݨائی ونڄے جݙاں جو ڈپٹی سپیکر سید غلام مصطفیٰ شاہ دا آکھݨ ہئی جو احسن اقبال کابینہ دا حصہ ہن، ایں معاملے کوں کابینہ اچ چاون تے وزیر داخلہ دے ذریعے وزیر اعلیٰ خیبرپختونخوا نال ڳالھ کیتی وںجے ۔ قومی اسمبلی اچ ڳالھ کریندے ہوئیں احسن اقبال آکھیے سوات اچ ھک واقعہ پیش آئے جیں اچ ھک سیاح کوں قرآن پاک دی بے حرمتی دے الزام اچ ساڑیا ڳئے انہاں آکھیے ایہو سویں واقعات ساݙے ہمسائے ملک بھارت اچ وی تھیندن جیں تے اساکوں اعتراض ہوندے ۔ احسن اقبال آکھیے ایندے توں پہلے سیالکوٹ، جڑانوالہ، سرگودھا اتے اچھرے اچ وی ایں قسم دے واقعات تھئن ، اساکوں ایجھے طرز عمل توں گریز کرݨا چاہیدے انہاں آکھیے میݙی آپݨی زندگی اچ وی اے واقعہ پیش آئے ھک جنونی میݙی زندگی گھنݨ دی کوشش کیتی تے او گولی میݙے جسم اچ اڄ وی موجود اے ، سوات واقعہ دا نوٹس ڳھدا ونڄے، اسلام اچ کافر دی لاش دی وی حرمت دا حکم اے۔ انہاں حدیث مبارکہ دا حوالہ ݙیندے ہوئیں آکھیے جو نبی پاک ﷺ لاش ساڑݨ توں منع فرمائے کیوں کوں ساڑݨ دا حق صرف اللہ کوں حاصل اے، جنگ اچ وی مسلماناں کوں تاکید اے جو کہیں لاش دی بے حرمتی نہ کیتی ونڄے اے ایہوجیہا معاملہ اے جیں دا اساں نوٹس نہ ڳھدا تاں حالات مزید خراب تھی ویسن ۔
.jpg)
.jpg)
.jpg)
