اسلام آباد۔2اگست (اے پی پی) الیکشن کمیشن ، پاکستان تحریک انصاف دے خلاف ممنوعہ فنڈنگ کیس دا فیصلہ سݨا ݙتا۔ منگل کوں چیف الیکشن کمشنر سکندر سلطان راجہ دی سربراہی اچ ترائے رکنی بنچ پولیٹکل آرڈر 2002 دی شق 6 دے تحت تحریک انصاف تے ممنوعہ ذرائع توں فنڈنگ بارے اکبر ایس بابر دی شکایت تے محفوظ فیصلہ سݨا ݙتا۔ فیصلے اچ آکھیا ڳیا جو پی ٹی آئی کوں ابراج گروپ سودھے غیر ملکی کمپنیاں توں فنڈنگ ملی، پی ٹی آئی آپݨے اکاؤنٹس الیکشن کمیشن توں لکائے۔ پی ٹی آئی عارف نقوی توں فنڈز ڳھدے۔ پی ٹی آئی 34 غیر ملکیاں توں فنڈز حاصل کیتے۔ پی ٹی آئی 8 اکاؤنٹس کوں منیا اتے 13 اکاؤنٹس لُکائے۔ پاکستان تحریک انصاف امریکا توں فنڈنگ ڳھدی۔ فیصلے اچ آکھیا ڳیا جو تحریک انصاف تے ممنوعہ فنڈنگ دا الزام ثابت تھی ڳئے۔ فیصلے اچ آکھیا ڳیا جو 16 اکاؤنٹس لکاوݨ آرٹیکل 17 دی خلاف ورزی اے۔ الیکشن کمیشن پی ٹی آئی کوں شوکاز نوٹس جاری کر ݙتا۔
