راولپنڈی۔20جولائی(اے پی پی)آرمی چیف جنرل قمر جاوید باجوہ ٹنلنگ انسٹی ٹیوٹ آف پاکستان اتے نیشنل ایمرجنسی آپریشن سینٹر دا دورہ کیتے اتے انہاں حساس مقامات تے وادھو افرادی قوت اتے وسائل ݙیوݨ دی ہدایت کریندے آکھیے جو پولیو ٹیماں کوں ودھ سکیورٹی ݙتی ونڄے۔ پاک فوج دے شعبہ تعلقات عامہ (آئی ایس پی آر) آکھیے جو آرمی چیف نے ایف ڈبلیو او دے جدید ترین ٹنلنگ انسٹی ٹیوٹ دا افتتاح کیتے جیندا مقصد سرنگاں دی پیشہ ورانہ مہارت ودھاوݨ اے، اے ادارہ ٹنلنگ دے شعبے اچ تحقیق، ترقی و وسائل کوں ودھیسی۔ آرمی چیف کوں ملک اچ پولیو مہم اتے ایندے چیلنجاں دا ݙسایا ڳیا۔ آرمی چیف آکھیا جو پولیو توں پاک پاکستان کیتے موثر کوششاں کامیاب کرݨ دی لوڑھ اے۔ آرمی چیف پولیو مہم اتے ٻعے اقدامات دی تعریف کیتی۔
