اسلام آباد۔21جولائی (اے پی پی):وفاقی وزیر اطلاعات و نشریات چوہدری فواد حسین معروف صحافی عارف نظامی دے انتقال تے ݙکھ تے افسوس دا اظہار کریندے ہوئیں آکھیے جو عارف نظامی دی رحلت توں پاکستان دی صحافت دا ھک وݙا باب بند تھی ڳئے ، مرحوم سی پی این دے صدر اتے پاکستان دی صحافت دا ھک لازمی حصہ ہن، صحافتی حلقیں اچ انہاں کوں قدر دی نگاہ نال ݙٹھا ویندا ہئی ۔ ٻدھ کوں آپݨے ویڈیو بیان اچ وفاقی وزیر اطلاعات آکھیے جو مرحوم عارف نظامی دکا انتقال صحافت کیتے وݙا ضیان اے ، انہاں آکھیے جو عارف نظامی دے نال اساݙا ذاتی تعلق ہئی ، انہاں دے والد حمید نظامی نوائے وقت دے بانی ہن، نوائے وقت دا پاکستان دی تحریک آزادی اچ صف اول دا کردار ہئی ۔ انہاں آکھیے جو میݙے ݙاݙا چوہدری اویس اتے تایا چوہدری الطاف وی تحریک آزادی دے اہم اتے سرگرم کارکن ہن ، انہاں دی حمید نظامی صاحب نال گھاٹی یاری ہئی ، انہاں آکھیے جو عارف نظامی صاحب دے نال اوہا تعلق برقرار رہیا ، انہاں کوں ہمیشہ اساں آپݨے خاندان دے بزرگ دے طور تے ݙٹھے ۔ انہاں ݙکھیے ویلھے پاکستان دی پوری صحافتی برادری بالخصوص مرحوم دے اہل خانہ دے نال تعزیت دا اظہار کریندے ہوئیں دعا کیتی جو خدا انہاں کوں جوار رحمت اچ جاہ ݙیوے ۔
