اسلام آباد۔18جنوری (اے پی پی):وزیراعظم عمران خان آکھیے جو بھارتی شہ تے پاکستان اچ کیتی ونڄݨ آضی دہشتگردی،کشمیر اچ ایندے ظلم تے تے 15 سال توں اساݙے خلاف برپا ایندی ڈس انفارمیشن مہم دا پردہ چاک تھی چکے ،بھارتی میڈیا خود مودی سرکاردے نال گٹھ جوڑ کوں بے نقاب کیتے ، پاکستان بھارت دےجارحانہ عزائم اتے مودی سرکاری دی سفاکیت توں پردہ چیندا رہ ویسی ۔سنوار کوں آپݨے ٹویٹ اچ وزیرا عظم عمران خان آکھیے جو2019 اچ جنرل اسمبلی توں اپݨےخطاب اچ میں ݙسایا جو سفاک مودی سرکار بالاکوٹ واقعہ کوں کیویں اپݨی انتخابی فتح کیتے استعمال کیتے۔ ہݨ اپݨی سیاہ کاریاں دےحوالے نال مشہور بھارتی صحافی دی تازہ ترین خط و کتابت (کمیونیکیشن) توں مودی سرکار اتے بھارتی میڈیا وچال ناپاک گٹھ جوڑ بےنقاب تھئے۔ انہاں آکھیے جو بھارتی شہ تے پاکستان اچ کیتی ونڄݨ آلی دہشتگردی،کشمیر اچ ایندے ظلم تے 15 سال توں اساݙے خلاف برپا ایندی ڈس انفارمیشن مہم دا پردہ چاک تھی ڳئے ۔ہݨ ہندوستانی میڈیاخود او ناپاک گٹھ جوڑ بےنقاب کیتے جیڑھا جو اساݙے جوہری خطے کوں ایں ڄھیڑے دے پاسے ڳھدی ویندےجیں دے اساں متحمل نی تھی سڳدے۔ میں ݙسا ݙیواں جو میݙی حکومت پاکستان دے خلاف بھارت دے جارحانہ عزائم اتے مودی سرکار دی سفاکیت توں پردہ چیندی رہ ویسی ۔
