اسلام آباد۔24نومبر (اے پی پی) صدرمملکت ڈاکٹر عارف علوی لیفٹیننٹ جنرل ساحر شمشاد مرزا دی فی الفور جنرل دے عہدے تے ترقی اتے چیئرمین جوائنٹ چیفس آف سٹاف کمیٹی تعیناتی اتے لیفٹیننٹ جنرل سید عاصم منیر دی فی الفور جنردے عہدے تے ترقی اتے بطور چیف آف آرمی سٹاف تعیناتی کرݙتی اے ۔خمیس کوں ایوان صدر دے پریس ونگ توں جاری بیان موجب صدرمملکت ڈاکٹر عارف علوی لیفٹیننٹ جنرل ساحر شمشاد مرزا دی فی الفور جنرل دے عہدے تے ترقی اتے بطور چیئرمین جوائنٹ چیفس آف سٹاف کمیٹی تعیناتی کرݙتی۔بطور چیئرمین جوائنٹ چیفس آف سٹاف کمیٹی تعیناتی دا اطلاق 27 نومبر 2022 ء توں تھیسی۔صدر مملکت لیفٹیننٹ جنرل سید عاصم منیر دی فی الفور جنرل دے عہدے تے ترقی اتے بطور چیف آف آرمی سٹاف تعیناتی کر ݙتی ۔بطور چیف آف آرمی سٹاف تعیناتی دا اطلاق 29 نومبر 2022 توں تھیسی ۔صدر مملکت ترقیاں اتے تعیناتیاں آئین دے آرٹیکل 243 چار اے اتے بی ، آرٹیکل 48 اتے پاکستان آرمی ایکٹ 1952 دے سیکشن 8 اے اتے 8 ڈی دے تحت کیتن۔ ۔صدر مملکت ایں بارے اڄ خمیس وں ملݨ آلی سمری تے دستخط کیتن۔
