اسلام آباد۔5اگست (اے پی پی) وفاقی وزیرداخلہ محسن نقوی نال وزیراعظم آزاد کشمیر چوہدری انوارالحق ملاقات کیتی جئیں اچ آپسی دلچسپی دے معاملے اتے امن و امان دی صورتحال تے ڳالھ مہاڑ کیتی ڳئی۔ محسن نقوی اتے انوارالحق یوم استحصال کشمیر تے بھارت دے غیر قانونی قبضے جموں تے کشمیر دی عوام نال یکجتی کیتی ۔ ݙوہیں رہنما بھارت دے پنج اگست 2019 دے غیر قانونی کم دی مذمت کیتی۔ وزیر داخلہ محسن نقوی آکھیا جو آزاد کشمیر پاکستان دی شہ رگ اے۔ بھارت اقوام متحدہ دی قرارداداں اتے بین الاقوامی قوانین دی کھلی خلاف ورزی کریندیں ہوئیں آرٹیکل 370 اتے 35 (A) دا خاتمہ کرتے کشمیریاں دا بدترین استحصال کیتے جڈانجو گزریل پنج سال توں بھارت دے غیر قانونی قبضے جموں تے کشمیر اچ کرفیو اتے دفعہ 144 لڳی ہوئی اے۔ پنج سال اچ کئی ہزار بے گناہ کشمیری شہید تھی ڳئن۔ وزیراعظم آزاد کشمیر آکھیا جو اگست کوں دنیا دے سامھے ہندوستان دا مکروہ چہرہ بے نقاب تھیے۔ ویلھا آڳئے جو بین الاقومی برادری، اقوام متحدہ اتے انسانی حقوق دی تنظیماں جموں تے کشمیر اچ تھیوݨ آلی ناانصافیاں اتے ظلم مُکاون۔ وزیر اعظم آزاد کشمیر امن کیتے تعاون تے وزیر داخلہ محسن نقوی دا شکریہ ادا کیتا۔
