اسلام آباد۔10جولائی(اے پی پی):وفاقی وزیر برائے منصوبہ بندی، ترقی، اصلاحات و خصوصی اقدامات پروفیسر احسن اقبال آکھیے جو پی ٹی آئی دے میڈیا سیل سوشل میڈیا تے پیالی اچ طوفان مچایا ہوئے، پی ٹی آئی سی پیک نال کیا سلوک کیتے ایندی اے جھلکی اے۔ اپݨے ٹویٹ اچ انہاں اکھیا جو سی پیک منصوبیاں تے بے بنیاد، بھونڈے اتے مضحکہ خیز الزام لاوݨ تے انہاں کوں کیندے کولو میڈل ملیے؟ ملتان-سکھر موٹروے سی پیک دا فلیگ شپ منصوبہ اے ڄیکوں چین دی نگرانی اچ ایندی اسٹیٹ کارپوریشن چین توں براہ راست ادائیگی تے سستی ترین فنانسنگ نال عالمی معیار دے مطابق ٻݨائے، کیا چین ڄھیاں ٻھرا ملک اینڄھے بھونڈے اتے کوڑے الزام دا حقدار ہا؟ ایندے تے چین دی سرکاری کمپنی کوں وفاقی وزیر دے خلاف بیان ݙے تے تردید کرݨی پئی اے۔
