لاہور۔28جون(اے پی پی)معاون خصوصی وزیراعلیٰ پنجاب ڈاکٹر فردوس عاشق اعوان آکھیے جو لاء انفورسمنٹ آپریٹرز، پاک فوج، سی ٹی ڈی، پولیس اتے ٻئے اداریاں اپݨی دلیری ، بہادری اتے جرات مندی نال جوہرٹائون دھماکے اچ ملوث دہشتگرداں پکر ڳھدے اتے جیویں تحقیق توں بعد پورا نیٹ ورک پکڑیے او قابل تعریف اے۔ اے ڳالھ انہاں وزیراعلیٰ آفس اچ میڈیا نال الیندے آکھی۔ انہاں آکھیا جو حکومت ذمہ داران دے خلاف سخت قانونی کارروائی کرتے انہاں کوں سخت سزا ݙویسی۔ فردوس عاشق اعوان آکھیا جو ول آزاد کشمیر دے انتخابات اچ دھوکے اتے فراد دی ڈگڈگی چا تے مسلم لیگ ن اتے پیپلز پارٹی ساݨے آڳین، بھل آزاد کشمیر دے غیور لوک انہاں دے دور حکومت دے ڈرامے اتے فراݙ ݙیکھ تے انہاں دا دوغلا پن سنڄاݨ چکین، آزاد کشمیر دے انتخابات اچ انہاں دے کوڑ پلال نہ چلسن اتے جیت صرف پی ٹی آئی دی تھیسی اتے قوم ول ہک واری دھاندلی دا رووݨ سݨݨ کیتے تیار تھی ونڄے کیوں جو اے آپ جیتن ستے خیراں نتاں دھاندلی دا رولا پا ݙیندن۔
