اسلام آباد ۔ 29 جولائی (اے پی پی) پاکستان تحریک انصاف دے رکن قومی اسمبلی راجہ ریاض آکھیے جو چیئرمین سینیٹ دے خلاف تحریک عدم اعتماد اچ مسلم لیگ ن اتے پیپلز پارٹی دے سینیٹرز اپنڑیاں پارٹیاں تے عدم اعتماد کرتے چیئرمین سینیٹ کوں ووٹ ڈیسن۔ سنوار کوں پارلیمنٹ ہاو¿س دے باہر میڈیا نال گالھ مہاڑ کریندے ہوئیں انہاں آکھیا جو اپوزیشن جماعتاں ولوں چیئرمین سینیٹ دے خلاف تحریک عدم اعتماد بری طرح ناکام تھیسی، خود مسلم لیگ ن اتے پیپلز پارٹی دے سینیٹرز اپنڑیاں اپنڑیاں پارٹیاں تے پہلے توں واضع کیتے جو چیئرمین سینیٹ دے خلاف تحریک عدم اعتماد دے مخالف ہن اتے ایں تحریک دا حصہ کائناں بنڑسن۔ انہاں آکھیا جو ڈوہائیں وڈیاںپارٹیاں دے سینیٹرز چیئرمین سینیٹ کوں ووٹ ڈے تے جتویسن۔
