کراچی۔8جنوری (اے پی پی) نائب وزیراعظم اتے وزیر خارجہ سینیٹر اسحاق ڈار آکھیا جو وزیراعظم محمد شہباز شریف دی قیادت اچ ملکی معیشت سدھے پاسے ویندی پئی اے۔ ٻاہرلے اداریاں تے انحصار ڳھٹ کرݨ کیتے مقامی کیپیٹل مارکیٹ کوں مضبوط کرݨے۔ نائب وزیراعظم آکھیا جو 9 سال پہلے لاتا ڳئیا ساری سٹاک مارکیٹاں کوں کٹھا کرݨ دا پودا ہݨ وݨ ٻݨ ڳئے۔ انہاں آکھیا جو وزیراعظم دی اڳواݨی اچ پاکستان بین الاقوامی برادری اچ آپݨا ونڄیا مقام ولا ڳھنسی۔ جینویں جو 27 سال بعد پاکستان شنگھائی تعاون تنظیم (ایس سی او) دا وݙا ایونٹ کرایا ڳئے۔ اے ڳالھیں انہاں بدھ کوں پاکستان سٹاک ایکسچینج دی تقریب توں خطاب کریندیں ہوئیں آکھی۔ انہاں آکھیا جو 2018 اچ سٹاک مارکیٹ 100 ارب ڈالر ہئی۔ نائب وزیراعظم سینیٹر محمد اسحاق ڈار آکھیاجو وزیراعظم محمد شہباز شریف دی قیادت اچ ملک کوں دیوالیہ تھیوݨ توں بچائے۔ نائب وزیراعظم سینیٹر اسحاق ڈار آکھیا جو پاکستان سٹاک ایکسچینج دی تقریب اچ شریک تھئی تے انہاں کوں خوشی تھئی اے۔ انہاں آکھیا جو وزیراعظم محمد شہباز شریف دی قیادت اچ ملکی معیشت سدھے پاسے ویندی پئی اے۔ وزیراعظم دی اڳواݨی اچ پاکستان بین الاقوامی برادری اچ آپݨا ونڄیا مقام ولا ڳھنسی۔ جینویں جو 27 سال بعد پاکستان شنگھائی تعاون تنظیم (ایس سی او) دا وݙا ایونٹ کرایا ڳئے۔
