بیجنگ۔6جون (اے پی پی):وزیراعظم محمد شہباز شریف آکھیے پاکستان اچ متبادل توانائی دے شعبہ اچ سرمایہ کاری دی وݙی گنجائش اے، متبادل توانائی دے نظام کوں تکڑا بݨاوݨ ساݙی اولین ترجیح اے ۔ وزیراعظم آفس دے میڈیا ونگ توں جاری بیان موجب اے ڳالھ انہاں چیئرمین پاور چائنہ ڈنگ یانزانگ کوں آکھی اے جنہاں انہاں دے نال ملاقات کیتی ۔ ملاقات اچ نائب وزیراعظم و وزیر خارجہ اسحاق ڈار ، وفاقی وزیر دفاع خواجہ آصف ، وفاقی وزیر منصوبہ بندی احسن اقبال ، وفاقی وزیر اطلاعات و نشریات عطاء اللہ تارڑ ، وفاقی وزیر پاور اویس احمد خان لغاری اتے وزیراعظم دے معاون خصوصی طارق فاطمی موجود ہن ۔وزیراعظم آکھیے متبادل توانائی دا نظام مضبوط کرݨ ساݙی اولین ترجیح اے ، پاکستان اچ متبادل توانائی دے حوالے نال سرمایہ کاری دی وݙی استعداد اے ۔ انہاں آکھیے بجلی چوری دے حوالے نال ملک اچ وݙی کارروائیاں کیتیاں ویندیاں پئن ایں موقع تے چیئرمین پاور چائنہ ڈنگ یانزانگ ساہیوال کول پاور پلانٹ دی تکھی رفتار تعمیر اتے معیار دی تعریف کیتی تے انہاں پاکستان اتے پنجاب سپیڈ دا وی ذکر کیتے۔انہاں آکھیے پاکستان نال مفاہمتی یادداشت تے دستخط کیتے ویسن جیں دے تحت پاکستان اچ بجلی ترسیل دا نظام بہتر اتے لائن لاسز کوں گھٹ کیتا ونڄ سڳے۔
