اسلام آباد۔21مارچ(اے پی پی):دفتر خارجہ دی ترجمان ممتاز زہرہ بلوچ آکھیے جو وزیر خارجہ محمد اسحاق ڈار اپݨے پہلے غیر ملکی دورے تے برسلز اچ ہین جتھاں او اڄ جوہری توانائی دے پہلے سربراہی اجلاس اچ شریک ہین۔ ترجمان موجب نیوکلیئر انرجی سمٹ جوہری توانائی دا استعمال کرݨ آلے ملکاں کوں کٹھا کریندے، جوہری توانائی دے شعبے اچ بین الاقوامی تعاون کیتے ہک پلیٹ فارم ݙیندے۔ ترجمان آکھیے جو وزیر خارجہ سربراہی اجلاس اچ توانائی سلامتی دی اہمیت، ودھدے مطالبات اتے موسمیاتی خدشات دے موثر حل تے الیسن، او نیوکلیئر پاور پلانٹس چلاوݨ سانڳے پاکستان دے وسیع تجربے اتے حفاظت، فضلہ دے انتظام اتے عدم پھیلائو بارے پاکستان دے عزم کوں اڳونہا کریسن۔ اجلاس اچ جوہری توانائی دی ترقی، ٹیکنالوجی تئیں رسائی، فنانسنگ اتے ترقی پذیر ملکاں کیتے بین الاقوامی ایٹمی توانائی ایجنسی دی تکنیکی مدد تے غور کیتا ویسی۔ وزیر خارجہ برسلز اچ ٻئے ملکاں دے وزرا خارجہ نال وی ملسن۔ او پاکستان ولݨ ویلھے لندن اچ برطانوی حکام نال وی ملسن۔
