اسلام آباد۔20جون (اے پی پی) صدر مملکت ڈاکٹر عارف علوی آکھیا جو پناہ گزیناں دا جڳ ݙیھاڑا لکھاں افغان مہاجرین دی میزبانی اچ پاکستان دی گزیل 40 سال دے کردار دی یاد ݙویندے۔ محدود وسائل دے باوجود وݙی تعداد اچ بے گھراں کوں پناہ ݙیوݨ اساݙے بھائی چارے اتے ہمدری دا منہ بلیندا ثبوت اے۔ ایوان صدر دے پریس ونگ توں جاری بیان موجب صدرمملکت منگل کوں پناہ گزیناں دے جڳ ݙیھاڑ دے موقع تے سنیھا اچ آکھیا جو پاکستان چیلنجز اتے ڳھٹ وسائل دے باوجود کھلے دل نال پناہ گزیناں دی مدد کیتی اے۔ انہاں آکھیا جو افغان مہاجرین دی میزبانی دا ٻوجھ ونڈݨ کیتے ابتدائی طور پاکستان کوں عالمی برادری ولوں مالی مدد ملی۔ ویلھے دے نال امداد ڳھت تھیوݨ دے باوجود مہاجرین دی فلاح و بہبود اتے رضاکارانہ واپسی دا پاکستان دا عزم غیر متزلزل اے۔
.jpg)
