اسلام آباد۔14اگست (اے پی پی):وزیرخارجہ بلاول بھٹو زرداری آکھیے جو75سال دے دوران پاکستان اندرلے تے ٻاہرلے ݙوہیں محاذاں تے اوکھ دا سامݨا کیتے ۔ تاں جو اساں ہمیشہ انہاں چیلنجاں تےصبر تے استقامت نال قابو پاتے ، ٻاہرلے ملک سفارتخانے ملکی بیانیے کوں اڳوں ودھاوݨ کیتے عوامی سفارت کاری دا استعمال کرن، ݙوطرفہ تعلقات کوں تکڑا بݨاوݨ کیتے شراکت داریاں بݨاون ۔پاکستان دی ڈائمنڈ جوبلی دے موقع تے آپݨے پیغام اچ انہاں آکھیے تساں ساریں کوں ساݙی آزادی دی 75ویں سالگرہ دی ݙھڳ ساری مبارخ ݙیندے ہوں ٻہوں خوشی تھیندی پئی اے ، ایں مسرت موقع تے اساں قائد اعظم محمد علی جناح اتے انہاں دے ساتھیاں دی ودھ ساری تے غیر معمولی کاوشاں کوں خراج تحسین پیش کریندوں جیں دی وجہ توں ساݙا آزاد وطن پاکستان وجود اچ آئے ۔ اساں آپݨے وݙیں دی جدوجہد آزادی اچ ݙتی ڳعی بے پناہ قربانیاں کوں وی خراج تحسین پیش کریندوں ، انہاں آکھیے اے گزریل 75 سالاں دی ساݙیاں کوششاں کوں مناوݨ دا موقع وی اے، ساݙے لوکاں ساݙی ترقی، ساݙے نینگراں، ساݙٖ فن، ثقافت، ساݙے کھلاڑیاں تے تریمتاں کوں ٻہوں کجھ مناوݨ دا موقع اے ۔وزیر خارجہ آکھیے جو گزریل 75 سالاں دے سفر اچ اتار چڑھائو آئے ، پاکستان اندرلے تے ٻاہرلے محاذاں تے ٻہوں ساری اوکھ دا مقابلہ کیتے تاں جو اساں ہمیشہ انہاں چیلنجاں تے صبر تے استقامت نال قابو پاتے ۔بلاول بھٹو زرداری آکھیے جو اے قابل فخر ڳالھ اے جو پاکستان دی وزارت خارجہ شروع ہی توں ایں سفر دا حصہ رہی اے تے ایں ویلھے پوری دنیا اچ قومی پرچم کوں اچا رکھݨ کیتے چنڳاں کم کریندی پئی اے ۔ انہاں آکھیے ساݙی قونصلر خدمات کوں بہتر بݨاوݨ کیتے جدید آلات اتے ٹیکنالوجی دا استعمال تے غیر ملکی سامعین تئیں آپݨی آواز پجاوݨ کیتے مواصلات دے نویں ذرائع دا استعمال کرن،ملکی بیانیے کوں اڳوں ودھاوݨ کیتے عوامی سفارت کاری دا استعمال کرن، ݙوطرفہ تعلقات کوں مضبوط کرݨ کیتے شراکت داریاں بݨاون،کثیرالجہتی فورم تے مضبوط موجودگی برقرار رکھن۔ انہاں آکھیے جو دفتر خارجہ بابائے قوم قائد اعظم محمد علی جناح دی طرفوں بیان کیتی ڳئی خارجہ پالیسی دے اہداف تے عمل پیرا اے۔ وزارت خارجہ ملک دے دفاع دی پہلی لائن دے طور تے آپݨا موقف برقرار رکھیندی اے ، انہاں آکھیے ایں 75 ویں یوم آزادی تے ، اساں مستقبل تے غور کریندوں ۔ اپݨے وطن دے امن، خوشحالی تے ترقی کیتے اڳوں ودھݨ دا رستہ ، فعال لوکاں کیتے جغرافیہ توں گھن تے قدرتی وسائل، ساݙے کنے سارے چیلنجز کوں قبول کرݨ تے مثبت تے مستقبل اچ اڳوں ودھݨ دی سوچ دے نال آندے سنگ میل پار کرݨ کیتے سارے اجزا موجود ہن۔
.jpg)
