اسلام آباد۔25اگست (اے پی پی):وزیراعظم شہباز شریف پاکستان اچ سیلاب دی صورتحال پاروں لندن دا دورہ منسوخ کرݙتے ، خمیس کوں وزیراعظم آفس دے میڈیا ونگ توں جاری بیان موجب وزیراعظم سیلاب دی صورتحال تے امدادی کاروائیاں متعلق اجلاس انہاں دے وطن واپس پڄدیں ہی منعقد کرݨ دی ہدایت کرݙتی اے ۔ اجلاس اچ این ڈی ایم اے سودھے ٻئے حکام وزیراعظم کوں سیلاب متاثرین دے ریسکیو اتے ریلیف متعلق اقدامات بارے ݙسیسن ۔ وزیراعظم شہباز شریف ، حمزہ شہباز دی دھی تے آپݨی پوتری دی طبعیت خراب تھیوݨ پاروں قطر توں لندن ونڄݨا ہئی لیکن ملک اچ سیلاب دی صورت حال پاروں وزیراعظم وختی وطن واپسی دا فیصلہ کیتے ۔ وزیراعظم دی پوتری لندن اچ زیر علاج اے۔
