اسلام آباد۔17اکتوبر(اے پی پی):وفاقی وزیر اطلاعات، نشریات، قومی ورثہ و ثقافت عطاء اللہ تارڑ آکھیے جو نان پاکستانیاں کوں کوئی شناختی کارڈ یا پاسپورٹ نئیں ݙتا ویندا ایں سانڳے قوانین موجود ہین، ایف آئی اے انسانی سمگلنگ بارے متحرک اے، اسلام آباد دے کہیں ہک مخصوص سیکٹر اچ ڈویلپمنٹ چارجز لاگو نئیں کیتے، ٻنھاں سیکٹرز اچ وی اے چارجز لائن، الاٹیز کوں اقساط اچ ادائیگی دی سہولت ݙتی اے۔ اے ڳالھ انہاں قومی اسمبلی اجلاس اچ وقفہ سوالات دے ولدے اچ آکھی۔ وفاقی وزیر اطلاعات آکھیے جو پاسپورٹ آفس اچ نویں سکینرز اتے مشیناں لاعن، پاسپورٹ نظام کوں بہتر کیتے، افغان شہریاں بارے دستاویزات دی تھری ٹیئر لیول تے سکروٹنی کیتی ویندی اے، پاسپورٹ دے حتمی اجراء توں پہلے سارے کوائف دی نادرا دے ڈیٹا بیس توں تصدیق تھیندی اے، فیملی رجسٹریشن سرٹیفیکیٹ (ایف آر سی) توں وی پاسپورٹ دی تصدیق کریندی اے، حالی تئیں فیک پاسپورٹ دا کوئی کیس رپورٹ نئیں تھیا، مکمل پروف دے بعد ہی پاسپورٹ اتے نادرا توں شناختی کارڈ جاری کیتا ویندے۔ انہاں آکھیا جو 29 اپریل 2024 کوں نیشنل سائبر کرائم انوسٹی گیشن ایجنسی دے رولز ٻݨیے ہین، ریگولر چیئرمین اتے ٻئے عہدیداراں دی تقرری دے معاملات تیکھے حل تھی ویسن، سائبر کرائم دے کیس تے پیکا ایکٹ دے تحت ایف آئی اے کارروائی کریندے، ہک سیاسی جامعت طالبعلماں کوں استعمال کر تے امن امان خراب کرݨ دی کوشش کیتی اے، ہتک عزت دا قانون پنجاب حکومت ٻݨیا ہا جیندے تحت کارروائی کیتی ویسی۔ انہاں آکھیا جو انسانی سمگلنگ بارے ایہف آئی اے اتے متعلقہ ادارے متحرک ہین، قانون اچ ٻئی بہتری دیان تتجویزاں ݙتن، صوبیاںو چال انسانی سمگلنگ روکݨ صوبیاں دی ذمہ داری اے، سرحداں اتے ہوائی اڈیاں تے انسانی سمگلنگ روکݨ وفاق دا کم اے۔ انہاں آکھیا جو اوورسیز پاکستانیز کیتے اوورسیز پاکستانی فائونڈیشن موجود اے، چنڳاں ہوسی جو او پی ایف اوورسیز پاکستانیاں دے معاملات ݙیکھے۔ انہاں آکھیا جو ایس سی او سربراہ اجلاس تے جناح کنونشن سینٹر اچ ݙو مہینے اچ سی ڈی اے تزئین و آرائش کیتی اے جیندی تعریف کرݨی چاہیدی اے۔
