اسلام آباد۔28جنوری(اے پی پی)وفاقی وزیر اطلاعات ونشریات سینیٹر شبلی فراز آکھیے جو عوام کݙاھیں وی کرپشن بچاوݨ یا کہیں ٻئے دے ذاتی مفاد کیتے ٻاھرو نئیں نکلدے، پی ڈی ایم تحریک کوں پذیرائی نئیں ملی، وزیراعظم عمران خان اپوزیشن دے دبائو اچ آئن نہ ہی آسن، کرپشن دے خلاف جہاد جاری رہسی،وزیراعظم یا کابینہ دی کہیں وی رکن حالی کورونا بچائوویکسین نئین لوائی، پارلیمنٹ اچ غیر منتخب لوک آندن، پارلیمنٹ دا سیاسی استعمال غلط اے، اپوزیشن حکومت دی مخالفت اچ صحافیاں اتے میڈیا ورکرز دے تحفظ دے بل دی مخالفت کیتی اے، جیندی مذمت کریندے ہیں، میڈیا ہائوسز کوں اشتہارات دی ودھ ادائگیاں کر فتن، آندے ٻئے پنڄ کروڑ ݙے ݙیسوں،میݙیا مالکان کہیں صورت صحافیاں اتے میڈیا ورکرز دی تنخواہیں اچ دیر نہ کرن۔ اے ڳالھ انہاں اسلام آباد اچ میٹ دی پریس نال الویندے کیتی۔ انہاں آکھیا جو وزیراعظم کوں تجویز ݙتی اے جو صحافیاں اتے میڈیا ورکرز کوں وی صحت کارڈ ݙتا ونڄے۔ انہاں آکھیا جو صحافیوں دے فلاح و بہبود کیتے جرنلسٹ پروٹیکشن بل ڳھدی آندے ہیں۔
