اسلام آباد۔17اکتوبر(اے پی پی)وفاقی وزیر اطلاعات و نشریات عطاء اللہ تارڑ آکھیے جو عوام ٹی ایل پی اتے تحریک انصاف دی احتجاج دی کال یکسر مسترد کر ݙتی اے، بے مقصد احتجاج دی کالاں دا ایہو نتیجہ نِکلدے، ملک اچ کاروبار زندگی چالو اے، وزیراعلیٰ خیبر پختونخوا اجلاس اچ ٻہہ تے ڳالھ مہاڑ کرݨ تے یقین نی رکھیندے، وزیراعظم دی زیر صدارت خیبر پختونخوا دے امن و امان متعلق اجلاس اچ وزیراعلیٰ دی موجودگی ضروری ہئی، معرکہ حق دے بعد پاکستانیاں کوں ٻہوں سنجیدگی نال ڳھدا ویندا پئے۔ اہم ڳالھ مہاڑ کریندے وفاقی وزیر اطلاعات آکھیا جو وزیراعظم دی زیر صدارت افغان پناہ گزیناں دی واپسی دے حوالے نال اعلیٰ سطحی اجلاس منعقد تھیا جیں اچ ویلھے وقتی تے اہم فیصلے کیتے ڳئے جݙاں جو سابقہ فیصلیں تے عمل درآمد دا جائزہ وی گھدا ڳیا۔ وفاقی وزیر ݙسایا ??و اجلاس اچ سارے متعلقہ ادارے اتے چارے صوبائی حکومتاں دے نمائندے شریک ہن تاں جو وزرائے اعلیٰ اچوں صرف خیبر پختونخوا دے وزیراعلیٰ سہیل آفریدی موجود نہ ہن، انہاں دی نمائندگی مزمل اسلم کیتی جنہاں تفصیلی ڳالھ مہاڑ کیتی اتے آپݨا موقف پیش کیتا پر جݙاں صوبے دی سکیورٹی، امن و امان اتے لوکاں دے تحفظ دی ڳالھ ہووے تاں ضروری اے جو وزیراعلیٰ خود موجود ہ??ون۔ انہاں آکھیا ??و اجلاس اچ ݙوجھے معاملیں دے نال نال سکیورٹی فورسز دیاں قربانیاں تے وی ڳالھ تھئی۔ ایں موقع تے مزمل اسلم دی طرفوں ݙسایا ڳیا جو پولیس شہیداں کیتے معاوضہ وی ݙتا ویندا پئے اتے ایں پروگرام کوں جاری رکھیا ہویا اے پر وزیراعلیٰ خیبر پختونخوا دا اسلام آباد اچ موجود ہ??وݨ دے باوجود اجلاس اچ شرکت نہ کرݨ ہک سیاسی سٹنٹ دے سوا کُجھ نی جیں دا ضیان صرف عوام کوں تھیندے۔ وفاقی وزیر اطلاعات آکھیا ??و امن و امان دے حوالے نال بریفنگ توں غیر حاضری پاروں انہاں کوں بیک گراؤنڈ دا علم نہ ہوسی اتے انہاں کوں سمجھݨ اچ ویلھا لڳسی، امن و امان دے حوالے نال سیاست کھیݙݨ افسوسناک اے، وزیراعلیٰ خیبر پختونخوا کوں شاید سوشل میڈیا تے داد اتے سیاسی پوائنٹ سکورنگ تاں ضرور حاصل تھی ویسی پر جݙاں صوبے دے عوام یا ملک کیتے حقیقی فیصلے کرݨ دا ویلھا آسی تاں اے ہمیشہ پِچھوں رہسن کیوں ??و اے اجلاس اچ ٻہہ تے ڳالھ مہاڑکرݨ تے یقین نی رکھیندے۔ پی ٹی آئی اتے ٹی ایل پی دی احتجاج دی کال دے حوالے نال وفاقی وزیر اطلاعات آکھیا جو ٹی ایل پی اتے پی ٹی آئی دی احتجاج اتے ہڑتال دی کال عوام ہک واری مسترد کر ݙتی اے، ملک اچ معمولات زندگی معمول موجب رہے، سڑکاں تے رَش اتے گہما گہمی رہی، بازار اتے مارکیٹاں کُھلیاں رہیاں جݙاں جو عوام غزہ اتے فلسطین دے معاملے تے اللہ تعالیٰ د?? شکر ادا کریندے پئن۔ انہاں آکھیا جو پاکستان فلسطین دے مسئلے تے ہمیشہ بھرپور اتے اصولی موقف اپنائے، پاکستان ہر عالمی فورم تے مظلوم فلسطینی عوام دی آواز بُلند کیتی اتے اسرائیلی ظلم دی واضح لفظاں اچ مذمت کیتی۔ پاکستان دا ایہو موقف رہیے جو ہک آزاد فلسطینی ریاست ہووے جیں دا دارالحکومت القدس شریف ہووے۔ انہاں آکھیا جو پاکستان دے موقف دی عالمی سطح تے تعریف تھیندی پئی اے ??و اساݙی خارجہ پالیسی دی ہک وݙی کامیابی اے۔ انہاں مزید آکھیا جو وزیراعظم پاکستان کوں عالمی فورمز تے جیڑھی عزت و وقار حاصل تھئے، خاص طور تے صدر ڈونلڈ ٹرمپ دی طرفوں جیڑھی عزت ݙتی ڳئی، اے ایں ڳالھ دا ثبوت اے جو پاکستان دی خارجہ پالیسی سِدھے پاسے ویندی پئی اے۔ انہاں آکھیا ??و اڄ پاکستان اتے ساوے پاسپورٹ دی عزت اچ ودھارا تھئے، معرکہ حق دے بعد پاکستانیاں کوں دنیا اچ ٻہوں سنجیدگی نال ڳھدا ویندا پئے، پاکستان دے شہری جتھاں رہندن انہاں دی عزت و تکریم کیتی ویندی پئی اے۔ انہاں آکھیا جو پی ٹی آئی اتے ٹی ایل پی دی طرفوں ݙتی ونڄݨ آلی احتجاج اتے ہڑتال دی کال کوں عوام، تاجراں، کاروباری برادری اتے چیمبرز یکسر رَد کر ݙتے۔ نہ کوئی مظاہرہ تھئے، نہ ہی کاروباری زندگی متاثر تھئی۔ انہاں آکھیا جو بے مقصد احتجاجی کالاں دا انجام ایہو ہوندے جو عوام انہاں کوں مسترد کرݙیندن کیوں جو عوام ترقی، استحکام اتے امن چاہندن۔
