وزیراعظم محمد شہباز شریف دا امریکہ نال تعلقات ودھاوݨ اتے چین نال تزویراتی شراکت داری کوں مضبوط کرݨ دا عزم، زرعی اتے موسمیاتی ایمرجنسی لاگو کرݨ دا اعلان

اسلام آباد۔10ستمبر (اے پی پی) وزیراعظم محمد شہباز شریف امریکہ نال تعلقات ودھاوݨ اتے چین نال تزویراتی شراکت داری کوں مضبوط کرݨ دا عزم ظاہر کریندے آ??ھیے جو چین توں ساڈھے 8 ارب ڈالر دے سانجھے منصوبے اتے امریکہ دے نال کان کنی و معدنیات دے شعبے اچ وݙی سرمایہ کاری کیتے ایم او یوز خوش آئند ہن، ایں منصوبیاں تے عملدرآمد اچ تاخیر، کوتاہی اتے غفلت برداشت نہ کیتی ویسی، دہشت گردی دی بیخ کنی قومی اتے ملی فرض اے، چھل نال ٻہوں تباہی تھی اے، موسمیاتی اتے زرعی ایمرجنسی لاگو کیتی ویندی پئی اے۔ اے ڳالھ انہاں وفاقی کابینہ دے اجلاس کوں آکھی ۔ انہاں وفاقی کابینہ کوں ݙسایا جو کل انہاں جی ایچ کیو اچ پاک فوج دے بہادر افسر میجر ??دن??ن اسلم جنہاں فتنہ الخوارج دا جوانمردی نال مقابلہ کریندے جام شہادت نوش کیتا، دی نماز جنازہ اچ شرکت کیتی۔ ایں موقع تے انہاں دے والد اتے خاندان دے ݙوجھے افراد نال وی ملاقات تھئی، شہید دے والد ٻہوں جذبے نال سرشار ہن۔ انہاں آرمی چیف فیلڈ مارشل جنرل سید عاصم منیر دی موجودگی اچ انہاں کوں آکھیا جو انہاں کوں آپݨے پتر دی شہادت تے ماݨ اے، انہاں دے سورھے وی ایجھے جذبات دا اظہار کیتا، حتیٰ کہ انہاں دیاں بھیݨاں آکھیا جو ساݙھے بھرا ہک عظیم قربانی ݙتی اے، شہید دے اہلخانہ وی مادر وطن کیتے قربانی ݙیوݨ دے جذبے دا اظہار کیتا۔ وزیراعظم آکھیا جو اے جذبے صرف میجر ??دن??ن اسلم شہید دے خاندان دے نی بلکہ پاک فوج دے سارے افسر اتے جوان ایجھے جذبے نال سرشار ہن اتے انہاں قربانیاں دی لازوال تاریخ لکھی اے۔ پاکستانی قوم آپݨے شہیداں دیاں قربانیاں تے فخر کریندی اے، پوری قوم شہیداں، غازیاں اتے انہاں دے خانداناں کوں خراج تحسین پیش کریندی اے۔ وزیراعظم آکھیا جو کئی لوک ایں قربانیاں دی سوشل میڈیا تے جیویں تضحیک کریندے پئن، ایں دی جتنی وی مذمت کیتی ونڄ گھٹ اے، پاکستان کوں فتنہ الخوارج توں نجات ݙیوݨ کیتے جیڑھی عظیم قربانی ݙتی ویندی پئی اے، ایں دا اندازہ ہووݨا چاہیدے، ایں فتنے دی بیخ کنی نہ کیتی گئی تاں پاکستان نال ایں توں وݙا کوئی ظلم نہ ہوسی، ایں فتنے کوں منڈھوں مکاوݨا ساݙا قومی و ملی فرض اے، افواج پاکستان اتے انہاں دی قیادت کوں جیویں سوشل میڈیا تے نشانہ ٻݨایا ویندا پئے، اے ناقابل برداشت اے، ایں دا سر کچلݨا ہوسی۔ وزیراعظم بحری امور دے وزیر جنید انوار چوہدری دی والدہ، وزیر مملکت رشید ملک دے وݙے بھرا ، سابق چیئرمین سینیٹ صادق سنجرانی دے والد دے انتقال تے افسوس دا اظہار کریندے مرحومین کیتے فاتحہ خوانی کرائی۔ وزیراعظم دورہ چین تے کابینہ کوں اعتماد اچ گھیندے ݙسایا جو نائب وزیراعظم، متعلقہ وزراء اتے ایس آئی ایف سی دے حکام سمیت حکومتی ٹیم دیاں کوششاں دے نتیجے اچ چین دا دورہ ٻہوں کامیاب رہیا اتے بزنس کانفرنس دا شاندار انعقاد تھیا، اساں کوں ایں معاملے تے مسلسل اتے ٻئی پیشرفت کرݨا ہوسی۔ ایں سلسلے اچ کوئی کوتاہی، تاخیر یا غفلت قابل قبول اتے برداشت نہ کیتی ویسی۔ وزیراعظم آکھیا جو چین دنیا دی ہک وݙی عسکری اتے معاشی قوت بݨ چکئے جئیں دا مظاہرہ شاندار فوجی پریڈ اچ وی ݙیکھݨ اچ آیا۔ وزیراعظم آکھیا جو دورہ چین دے دوران ایس سی او اجلاس اچ شرکت اتے ݙو طرفہ ملاقاتاں کیتیاں، سی پیک فیز ٹو دے خدوخال، زراعت، بی ٹو بی سرمایہ کاری?? سپیشل اکنامک زونز اتے قراقرم ہائی وے دے فنانشل ماڈلز دا اعلان کیتا ویسی، 85 فیصد چینی سرمایہ کاری جݙاں جو 15 فیصد پاکستانی سرمایہ کاری ہوسی، 26 ستمبر کوں وفاقی وزیر احسن اقبال چین بھیڄئے ویسن اتے اتھاں سی پیک 2.0 دے ݙوھے مرحلے دے منصوبیاں دا اعلان کریسن۔ وزیراعظم ݙسایا جو چین اچ بزنس ایونٹ دے دوران ساڈھے 8 ارب ڈالر دے اعلانات تھئن، ایں اچ سانجھے وینچرز اتے ایم او یوز ݙوہیں شامل ہن۔ وزیراعظم کابینہ کوں ݙسایا جو گزریل ݙینھ امریکی کمپنیاں نال وی ایم او یوز تے دستخط کیتے ہن جئیں دے تحت مائنز اینڈ منرلز خاص کر جیمز اینڈ سٹونز دے حوالے نال امریکی سرمایہ کاری آسی، پاکستان اچ گلگت بلتستان، چترال اتے بلوچستان سمیت کئی علاقیاں اچ منرلز دے خزانے موجود ہن جیڑھے کݙھݨ کیتے وݙی امریکی سرمایہ کاری آسی۔ وزیراعظم آکھیا جو حکومت امریکہ نال تعلقات دے ودھارے کیتے ݙینھ رات کوشاں اے، اساں امریکہ نال وی چنڳے تعلقات استوار کرݨن اتے چین نال آپݨی تزویراتی شراکت داری کوں وی مضبوط بݨاوݨا اے۔ 16-2015 اچ نواز شریف دی حکومت اچ اساں ایل این جی دے 5 پلانٹس لاتے جیڑھے 4 امریکن کمپنی اتے ہک سیمنز کوں ݙتے۔ ایں کمپنیاں دے اعلیٰ عہدیداراں آکھیا جو ایں شفاف پروکیورمنٹ پروسیجر دنیا اچ کہیں وی نئیں ݙٹھا، اے دنیا دے سستے پلانٹس ہن اتے جیڑھی مشینری لاتی ڳئی ہئی او جدید ترین ہئی، ایمانداری اتے محنت ای ناں کماوݨ دا واحد طریقہ اے۔ وزیراعظم آکھیا جو چھل پاکستان اچ گلگت بلتستان، آزاد کشمیر، خیبر پختونخوا اتے پنجاب اچ وݙے پیمانے تے تباہی مچائی اے، ہݨ چھل د?? پاݨی سندھ اچ وی داخل تھی ڳئے انہاں آکھیا جو موسمیاتی تبدیلی نال نبݨ کیتے پروگرام کوں حتمی شکل ݙیوݨی ہوسی، اے ٻہوں وݙا چیلنج اے، پاکستان اپݨے طور تے ایں نال نبݨ نی سڳدا، ایں سلسلے اچ روڈ میپ بݨاوݨا ہوسی۔ وزیراعظم آکھیا جو چھل نال تھیوݨ آلے ضیان دا تخمینہ لاوݨ کیتے ذمہ واریاں ݙتیاں ڳئن، آندے ہفتے وچ اعدادوشمار اتے تفصیلات ساݨے آویسن ، چاول، مکئی، گنا اتے کپاہ سودھے وݙے پیمانے تے فصلاں کوں نقصان تھئے جئیں دا تخمینہ لاتا ویندا پئے، اے معاملہ وفاقی کابینہ اچ وی ڳھن آسوں ، چھل اچ ہک ہزار دے نیڑے پاکستانی مرد، تریمتاں اتے ٻال اپݨی جان ونڄائی ، ہزاراں لوک زخمی ہن اتے ہزاراں ایکڑ زمین ٻڈی ہوئی اے۔ وزیراعظم دعا کیتی جو سندھ اچ چھل نال گھٹ توں گھٹ ضیان تھیوے۔ وزیراعظم ملک اچ موسمیاتی اتے زرعی ایمرجنسی دا اعلان کریندے آ??ھیا جو وفاقی کابینہ احسن اقبال د?? سربراہی اچ کمیٹی ٻݨیندی پئی اے جیں اچ متعلقہ وزراء اتے سیکرٹری شامل کیتے ویسن، چیف سیکرٹریز وی کمیٹی دا حصہ ہوسن۔ ایپکس کمیٹی دا اجلاس وی سݙیاں ویسی جئیں اچ چارے صوبائی وزراء اعلیٰ اتے متعلقہ افسران وی موجود ہوسن، وفاق اتے صوبیں کوں رل تے صورتحال نال نبݨݨا اتے نقصان دا ازالہ کرݨا ہوسی۔ وزیراعظم قطر اچ اسرائیل د?? سفاکانہ حملے دی شدید مذمت کریندے ہوئیں آکھیا جو اسرائیل قطر دی سالمیت اتے خودمختاری تے حملہ کیتے، فلسطین اچ بے گناہ ٻالاں، ٻڈھیں، جیویں مرد و تریمتاں دا لہو ݙھایا ویندا پئے، دنیا دی تاریخ اچ ایں قتل و غارت دی مثال نئیں ملدی۔ وزیراعظم ݙسایا جو نائب وزیراعظم ایں صورتحال تے کل بیان جاری کیتا، میں قطر دے امیر نال خود صورتحال تے ڳالھ کیتی اے۔ انہاں پاکستان دی حکومت اتے عوام دا اوکھے ویلھے یکجہتی دا اظہار کرݨ تے شکریہ ادا کیتا، اساں انہاں کوں یقین ݙیوائے جو اساں انہاں دے نال کھڑسوں