لاہور-6 ستمبر (اے پی پی) لاہور سودھے پورے ملک اچ جشن عید میلاد النبی ﷺ بھرپور مذہبی جوش و جذبے نال منایا ڳیا، مساجد، محلے اتے اہم سرکاری عمارت کوں بجلی دے قمقمیں نال سجاوٹ جݙاں جو میلاد دیاں محفلاں دا اہتمام وی کیتا ڳیا ۔ دنیا دی تاریکی کوں آپݨے نور مجسم نال روشنیاں وچ بدلݨ آلے محسن انسانیت، محبوب خدا، آقائے دو جہاں، خاتم النبین والمرسلین حضرت محمد مصطفی ﷺ دی ولادت باسعادت دی مناسبت نال میلاد النبی ۖ دے سلسلے وچ ملک اچ میلاد اتے درس دیاں محفلاں دا انعقاد کیتا ڳیا۔ عید میلاد النبیﷺ دے سلسلے وچ عاشقانِ مصطفی ۖ ڳلیاں اتے بازاراں اتے گھراں کوں بجلی دے قمقمے نال کنوار وانڳ سجایا جݙاں جو سارے سرکاری تے غیرسرکاری عمارتاں تے چراغاں کیتا ڳیا، ایویں مساجد، دفاتر، مارکیٹاں، بازاراں اتے شاہراہواں تے وی سوہݨی چراغاں دا اہتمام کیتا ڳیا۔ نبی کریم ﷺ نال محبت دا اظہار کریندے ملک وچ ساریاں ڳلیاں محلے توں چھوٹے وݙے جلوس کڈھئے ڳئے، جہ??اں وچ شریک ہر شخص دے منہ تے سرکار دی آمد مرحبا دا ورد ہئی اتے عاشقانِ رسول ۖ ولوں مختلف تقریبات وی منعقد کیتیاں ڳئیاں اتے لنگر دا وی اہتمام کیتا ڳیا۔ عاشقانِ رسول ۖ دی ولادت باسعادت دے موقع تے حضور دی ??ار??اہ وچ درود و سلام اتے نعت رسول مقبول ۖ دے گلہائے عقیدت پیش کیتے ڳئے۔ عید میلاد النبی ۖ دے موقع تے امن و امان قائم رکھݨ کیتے لاہور سودھے ٻئے وݙے شہراں وچ سکیورٹی دے پورے انتظامات کیتے ڳئے۔
